Nhar it-Tlieta 22 ta’ Dicembru 2009, il-Knisja Kolleggjata u Bazilika tat-Twelid ta’ Marija Bambina ospitat il-hdax-il edizzjoni tal-Kuncert annwali tal-Milied li din is-sena gab l-isem “…Et Incarnatus Est…” (U sar bniedem). Din is-sena, dan l-avveniment muzikali kien ipprezentat mis-Sur John Demanuele, prezentatur regolari fuq diversi stazzjonijiet televizivi lokali, u wera lill-udjenza li attendiet it-talenti kbar li bihom huwa moghni l-Kor Laudate Pueri.

Dan il-Kor twaqqaf fis-sena 1976 minn Mons. Guzeppi Farrugia, illum Arcipriet Emeritu tal-Parrocca ta’ San Gorg tal-Belt Victoria. L-ghan principali tal-Kor kien li jikkultiva u jippromwovi l-muzika sagra fil-kuntest liturgiku taghha, b’enfasi partikolari fuq il-Kant Gregorjan u l-polifonija sagra (Bil-kelma ‘polifonija’ nifhmu ‘kant bil-vucijiet’). F’dan ir-rigward, il-Kor Laudate Pueri stabbilixxa ruhu bhala wiehed mill-korijiet ewlenin li jinterpreta muzika polifonika taz-zmien klassiku u kontemporanju. Huwa kien mistieden jippartecipa f’avvenimenti nazzjonali ta’ sinifikat kbir, fosthom ic-celebrazzjonijiet tal-hamsin anniversarju mill-ghoti tal-George Cross lill-gzejjer Maltin, u kif ukoll il-Pellegrinagg Penitenzjali Nazzjonali u celebrazzjoni ta’ Fidi fil-Kon-Katidral ta’ San Gwann fl-1992. Il-Kor kompla kabbar it-tradizzjoni muzikali fil-Bazilika ta’ San Gorg u kanta fl-Italja, Franza, l-Ingilterra u New York. Fost inizjattivi ohra, il-Kor kien il-mohh wara x-xoghlijiet ta’ restawr li saru fuq l-orgni prestiggjuz Santucci li nsibu fil-Bazilika ta’ San Gorg. Huwa ospita diversi korijiet ta’ fama internazzjonali u sa mill-1997, beda jorganizza l-Victoria International Arts Festival li issa sab postu fil-kalendarju ta’ attivitajiet kulturali tal-gzira taghna – dan il-festival isir bejn nofs Gunju u nofs Lulju ta’ kull sena. Il-Kor Laudate Pueri kien strumentali fl-esekuzzjoni ta’ xoghlijiet muzikali kbar bhal per ezempju r-Requiem ta’ Giuseppe Verdi (1988, 2002), il-Carmina Burana ta’ Orff (1989, 2005), in-Ninth Symphony kompozizzjoni ta’ Ludwig Van Beethoven (1990) u r-Requiem ta’ Andrew Lloyd Webber (2005). F’Gunju 2007, dan il-Kor gie mistieden mid-Direttur tal-Kor tal-Kappella Sistina, Mons. Giuseppe Liberto, biex jippartecipa fil-Quddiesa tal-Kanonizzazzjoni tas-sacerdot Malti Dun Gorg Preca li saret fil-Pjazza ta’ quddiem il-Bazilika ta’ San Pietru fil-Vatikan. Tul dan iz-zmien li ilu mwaqqaf, il-Kor hareg ghaxar CDs u bhalissa qed jahdem fuq progett ambizzjuz li jinvolvi r-recording ta’ CD li tinkludi fiha l-aqwa muzika sagra u sekulari miktuba minn kompozituri Maltin – hafna minn din il-muzika tinsab fl-arkivji tal-Katidral ta’ l-Imdina. F’Novembru 2008, il-Kor Laudate Pueri kien mistieden mill-Ambaxxata Maltija fi Franza biex jaghti kuncert prestiggjuz fil-Les Invalides (Parigi) biex jimmarka l-Presidenza Franciza lill-Unjoni Ewropea. Dan il-Kuncert kien segwit minn Quddiesa kantata il-Bazilika tal-Qalb ta’ Gesu’. Fil-prezent, id-Direttur ta’ dan il-Kor huwa l-W.R. Dun Gorg Frendo filwaqt li l-leader tal-Kor hija Dr. Maria Frendo M.A., M.A. (Dunelm), Ph.D.(Dunelm), F.L.C.M., F.T.C.L., L.R.S.M. Flimkien mal-Kor hadu sehem is-solisti Dr. Maria Frendo (sopran) u Rev. Joseph Mercieca (tenur), l-organista Xaghri Dr. Joseph Camilleri LLD ATCL DipABRSM u l-arpista Jacob Portelli.

Il-kongregazzjoni li attendiet ghall-Kuncert kienet immexxija mill-Onorevoli Dr. Giovanna Debono, Ministru ghal Ghawdex. Prezenti wkoll kien hemm membri distinti ohra flimkien mas-Sindku s-Sur Joseph Cordina u l-Kunsill Lokali Xaghra li kien l-organizzatur ta’ din l-attivita’. Il-Kuncert fetah b’zewg messaggi ta’ l-okkazjoni – wiehed mis-Sindku s-Sur Joseph Cordina li fih elenka l-hidma tal-Kunsill u s-sinifikat ta’ din l-attivita’ u iehor ta’ xejra spiritwali mill-Arcipriet tal-Parrocca, Mons. Carmelo Refalo. Il-bicciet li gew esegwiti kienu dawn li gejjin (fl-ordni ta’ kif indaqqu):

1. Rorare Coeli opus 84 (SSAA) kompozizzjoni tal-Professur Joseph Vella;
2. Et Incarnatus Est (SATTBB) mill-Missa Papae Marcelli mmuzikata minn Pierluigi da Palestrina;
3. Adeste Fideles (Tenor solo / SATB) – din il-carol natalizja hija attribwita lil John Wade b’arrangement muzikali ta’ David Wilcocks;
4. A la venue de Noël (organ solo) – din hija silta mehud mill-volum ta’ Noëls (varjazzjonijiet fuq carols Francizi ta’ zmien il-Milied), kompozizzjoni ta’ Louis Claude Daquin;
5. In the bleak midwinter (harp solo) – Gustav Holst;
6. A Great and Mighty Wonder (SSAA) – kompozizzjoni ta’ Michael Preatorius b’arrangament muzikali tal-Professur Joseph Vella;
7. Silent Night (SSAA) – muzika ta’ Franz Gruber b’arrangament tal-Profs. Joseph Vella;
8. God rest ye merry gentleman (SSAA) – arrangement ta’ David Wilcocks;
9. The Holy Boy (A carol of the Nativity) (organ solo) – kompozizzjoni ta’ John Ireland;
10.  Once in Royal David’s City (SSAA) – Henry Gauntlett fuq arrangement muzikali ta’ David Wilcocks;
11.  Agnus Dei (Soprano solo / SSAA) – din hija silta muzikali mehuda mill-Missa Brevis opus 40 tal-Profs. Joseph Vella;
12. Puer Natus Est opus 108 (SATB / Viola solo and Organ) – kompozizzjoni tal-Profs. Joseph Vella (world premiere); u
13. Hark the herald Angels sing (SATB) – muzika ta’ Felix Mendelssohn b’arrangament muzikali ta’ David Wilcocks.

Waqt l-intervall tal-Kuncert, saret is-solita gabra annwali ghall-Community Chest Fund. Din hija amministrata mill-President ta’ Malta biex tghin kawzi gusti. Bhala Kunsill Lokali Xaghra, nixtiequ nroddu hajr lil dawn id-ditti u stabbilimenti kummercjali li taw l-ghajnuna finanzjarja taghhom biex din l-attivita’ setghet tittella’ u tkun success minn kull lat. Dawn huma:

Il-Ministeru ghal Ghawdex; il-Bank of Valletta (BOV); Richard Cauchi Mechanical & Electrical Conductor; Joseph Mercieca (tal-Guz); Vella Brothers Ready Mix Limited; Ta’ Frenc Restaurant; Discount Crossroad Ironmongery; TGFF Galea Frozen Foods; Victor’s; Marpo Hardware Store; Mario Mallia Street Furniture, Road Safety & Playground Equipment; Trophies and Medals; Dolceria Ropa; Raymond Bonello (Marbler); Rapa Hi-Fi & Satellite Systems; Qinga VRT; Stephen’s Snack Bar & Confectionery; Eucharist Agius; M & L Refalo Limited; Gatt Group of Companies; AutoClin Services; Galea Curmi Engineering Consultants; Porto Vecchio Ristorante e Vinoteca; Gozo Business Systems Limited; JCR Limited; InfoTech Supplies & Services; Julian Sultana Company Limited; Abraham’s Supplies; Captured Memories (Benny Sultana); Compass Group Limited; Joe Cordina (certified accountant & public auditor); VSS Limited, Bartolo Catering u Domenic Department Stores. 

Aktar materjal ta’ l-okkazjoni, inkluz ritratti, diskorsi li saru ecc jittellghu fuq dan is-sit fil-jiem/gimghat li gejjin.

Intant, wara li ntemmet din is-serata muzikali, il-Kunsill Lokali Xaghra organizza r-riceviment annwali tal-Milied ghar-residenti barranin. Dan sar fic-Cirklu taz-Zghazagh li jinsab fi Triq 28 ta’ April 1688. Kienet okkazjoni verament sabiha li matulha kellna l-opportunita’ li naqsmu flimkien l-awguri taghna ghal dan l-istagun tal-festi.

Minn qalbna, nawguraw lil kulhadd Milied hieni u qaddis mimli bil-paci li jaf jaghti biss Gesu’ Bambin!

Related posts:

1. Tittella’ b’success kbir l-ghaxar edizzjoni tal-Kuncert tal-Milied
2. Eku tal-Kuncert tal-Milied 2009
3. Kuncert tal-Milied 2009 “…ET INCARNATUS EST…” – Video
4. Puer Natus Est – Kuncert kbir tal-Milied fil-Bazilika tax-Xaghra
5. Diskors tas-Sindku waqt il-Kuncert tal-Milied 2008
6. Aktar kliem ta’ tifhir u apprezzament ghall-Kuncert tal-Milied 2008
7. Kuncert tal-Gimgha Mqaddsa 2009
8. Kuncert tal-Milied