F’din is-Solennità Liturġika tat-Twelid ta’ Marija Bambina kull min iżur il-

Bażilika ta’ Marija Bambina jirbaħ l-Indulġenza Plenarja skont il-

kundizzjonijiet tas-soltu, frott l-Aggregazzjoni Spiritwali tagħna mal-Bażilika

Liberjana ta’ Santa Maria Maggiore ta’ Ruma.

5.00am, 6.00am, 7.00am, 8.00am, 11.00am, 5.00pm: Quddies bl-omelija fil-Bażilika.

8.00am:           Marċ mill-Banda Victory mill-Każin tal-istess Socjeta’ sa Misraħ il-Vitorja fejn tilqa’ lill-E.T. Mons.Isqof Mario Grech mid-Domus Curialis sal-Bażilika.

9.00am:           KONCELEBRAZZJONI PONTIFIKALI SOLENNI ippreseduta mill-E.T. Mons. Isqof Mario Grech, Isqof Djoċesan bis-sehem ta’ delegazzjoni tal-W.R.mu Kapitlu Katidrali u tal-W.R.mu Kapitlu Kolleġġjali ta’ Marija Bambina u l-Kleru tal-Parroċċa. Wara l-Qari tal-Evanġelju, l-E.T. Mons Isqof jagħmel il-prietka tal-okkażjoni. Fi tmiem il-Pontifikal Solenni, Kant tal-Innu Malti f’dan il-Jum ta’ Festa Nazzjonali.

Tiġi esegwita l-Quddiesa A Maria Immacolata tas-Surmast Bugeja bis-sehem tas-solisti u l-kor Jesus of Nazareth tas-Sliema, Malta.

11.30am:         Marċ popolari u brijuż mill-Baned Beland taż-Żejtun u Prekursur tax-Xewkija li jibda mill-bidu ta’ Triq Marija Bambina.

6.00pm:           Kant Solenni tat-Tieni Għasar bis-sehem tal-W.R. Kapitlu Kolleġġjali, ippresedut mill-W.R. Mons. Arċipriet Carmelo Refalo, Protonotarju Apostoliku.

6.00pm:           Tibda sfilata ta’ marċijiet mill-Banda Victory tax-Xagħra u l-Banda Cittadina Leone tal-Belt Victoria li tilħaq il-qofol tagħha f’Misraħ il-Vitorja.

7.00pm:           ĦRUĠ SOLENNI tal-Istatwa artistika ta’ Marija Bambina Inkurunata mill-Knisja Bażilika. Il-Banda Victory issellem lill-Patruna tagħna bil-Kant ta’ l-Ave Maria, u wara, l-istess banda, taħt id-direzzjoni ta’ Mro Joseph Galea LCM, tesegwixxi l-innu

“Ħdejn in-nieqa ta’ Marija”, bis-sehem tas-solisti u l-kor Nativitas ta’ l-istess Soċjetà Filarmonika.

7.30pm:           Purċissjoni devota bl-istatwa ta’ Marija Bambina Inkurunata bis-sehem tal-W.R.mu Kapitlu Kolleġġjali u Kleru tal-Parroċċa mmexxija mill-W.R. Arċipriet Mons. Carmelo Refalo, Protonotarju Apostoliku.

Waqt il-purċissjoni, il-Banda Cittadina Leone tal-Belt Victoria tesegwixxi programm mużikali fuq il-planċier f’Misraħ il-Vitorja.

9.30pm:           Merħba kbira lil Marija Bambina f’Misraħ il-Vitorja. Kant ta’ l-Ave Maria mis-Sopran Rita Dimech. Spettaklu ta’ logħob tan-nar ta’ l-ajru.

10.00pm:         Dħul Solenni ta’ l-Istatwa Inkurunata ta’ Marija Bambina fil-Knisja Bażilika. Kant ta’ l-Antifona Nativitas Tua u Barka Sagramentali.

11.00pm:         Marċ brijuż mill-Banda Victory tax-Xagħra minn Misrah il-Vitorja, jdur madwar il-knisja, Vjal it-8 ta’ Settembru u jintemm fil-Kazin tal-istess Socjeta li jaghlaq dan il-JUM TA’ FESTA NAZZJONALI.

Is-Sindku s-Sur Joseph Cordina ser iwassal l-awgurju tieghu f’isem il-Kunsill Lokali lill-poplu Xaghri nhar l-Erbgha 8 ta’ Settembru 2010, Jum il-Festa tal-Bambina, f’11.45am. Il-messagg jitwassal permezz tal-istazzjon komunitarju tal-parrocca taghna – Radju Bambina (98.3FM).

Illum hija l-Festa tal-Isem Imqaddes ta’ Alla. Il-komunita’ parrokkjali taghna tingabar fis-Santwarju ta’ Marija Bambina biex inroddu hajr lil Alla u lill-patruna taghna ghall-grazzji msawba fuqna matul il-jiem tal-festa titulari.

7.00pm: Recita tar-Ruzarju Mqaddes u Barka Sagramentali.

7.30pm: Koncelebrazzjoni Solenni ta’ Radd il-Hajr lil Alla mmexxija mill-W.R. Mons. Arcipriet Carmelo Refalo flimkien mas-sacerdoti tal-Parrocca li fiha tinghata evalwazzjoni ta’ dawn il-festi. Janima l-Liturgija l-Kor tal-Abbatini tal-Parrocca.

Wara li tintemm il-Quddiesa, nakkumpanjaw l-istatwa ta’ Marija Bambina Inkurunata li thalli t-tron taghha fil-korsija tal-Knisja u tiddahhal lura fin-nicca taghha fejn tibqa’ esposta ghall-venerazzjoni tal-fidili ghal matul din is-sena sa Awwissu 2011.